Türkiyəli müğənni Seda Sayan ərə gedir. Mtv.az xəbər verir ki, özündən 25 yaş kiçik sevgilisi, birgə çalışdığı musiqiçi Çağlar Öktendən evlilik təklifi alan ifaçı yeddinci dəfə nikah masasına əyləşməyə hazırlaşır. "Milliyet"in məlumatına görə, Çağlar 14 fevral - Sevgililər Günü Beyoğlunda məkanların birində çıxışdan sonra cibindən təkdaş üzük çıxararaq Sedaya evlilik təklifi edib. S.Sayanın təklifə "hə" cavabı verdiyi bildirilib. Xatırladaq ki, 6 dəfə ailə həyatı quran Sedanın Oğulcan Engin adında bir övladı var.