Ötən il azyaşlı oğlu Parsı itirən model Ebru Şallı yeni açıqlaması ilə gündəmə gəlib. Mtv.az xəbər verir ki, Nişantaşında görüntülənən Ebru jurnalistlərlə ayaqüstü söhbət edib. O, bir neçə gün əvvəl müğənni Demet Akalının qızı Hiranın “TikTok” istifadəçisinə 7 min lirə (1456 manat) göndərməsinə münasibət bildirib: “Oğlum Berenin İnstagram hesabı yoxdur. Xoşbəxtlikdən mütaliə edən və idmanla məşğul olan uşaq böyütdüm. Hamımız sosial mediada varıq, amma uşaqların “TikTok”dan, yaxud da digər sosial şəbəkələrdən istifadə etməsinə qarşıyam”.