Əməkdar artist Abbas Bağırov taksi sürücülərindən şikayət edib. Mtv.az xəbər verir ki, sənətçi Bakı-Sumqayıt yolundakı “Toyota Prius” markalı avtomobilinin qəza xəbərini sosial şəbəkədə paylaşaraq bunları yazıb: "Bu “Prius” bəlası bitməyəcək. O vaxta qədər ki, bu modeldə olan bir çox taksi sürücülərinə qarşı ciddi tədbir görəcəklər. Biz xəbərlərdə gördüyümüzdür, amma başıma gələnləri də siz bilmirsiniz. Mən tələsmirəm, sakit yolumu getmək istəsəm belə, bu taksilər harasa tələsir. Sərnişin və piyadaları təhlükə oduna amansızcasına atırlar”. Xatırladaq ki, bu gün Bakı-Sumqayıt yolunun Biləcəridən keçən hissəsində “Toyota Prius” markalı avtomobil təsərrüfat idarəsinə məxsus olan və yol kənarında yaşıllıq zolağı suvaran ağırtonnajlı yük maşınına çırpılıb. Nəticədə minik avtomobilinin sürücüsü və sərnişin aldıqları xəsarətlərdən hadisə yerində ölüb.