Azərbaycan-Xorvatiya mədəni əlaqələrinin möhkəmləndirilməsi məqsədi ilə Bakı Marionet Teatrı sentyabrın 27-dən oktyabrın 1-dək Xorvatiyanın paytaxtı Zaqreb şəhərində qastrol səfərində olacaq.

Mtv.az xəbər verir ki, teatrın kollektivi izləyicilər qarşısında “Leyli və Məcnun” tamaşası ilə çıxış edəcək.

Xatırladaq ki, ölkəmizin zəngin mədəni irsinin gələcək nəsillərə ötürülməsi və milli dəyərlərə bağlılığın yaşadılması məqsədilə Azərbaycan Respublikasının Birinci vitse-prezidenti Mehriban Əliyevanın xüsusi dəstəyi ilə Marionet Teatrı 2013-cü ildən “İçərişəhər” Dövlət Tarix-Memarlıq Qoruğu İdarəsinin nəzdində fəaliyyət göstərir. Mədəniyyətimizi təşviq edən teatr ölkə daxilində və onun hüdudlarından kənarda da bir çox uğurlara imza atıb.