Rusiyalı müğənni Dima Bilan spirtli içkidən imtina etmək qərarına gəldiyini açıqlayıb. Mtv.az xəbər verir ki, ifaçı bu barədə müsahibəsində deyib. “Sənətkarı ancaq sənətkar başa düşə bilər. Hər şeyin bizə nəcə pis təsir etdiyini, həmin çətin anlarda xalqın qarşısına çıxanda yaşadığımız psixoloji gərginlik... Çətin fiziki işdən əlavə, üzü qorumaq da vacibdir" deyə, Dima əlavə edib. O, spirtli içkidən sui-istifadə edənləri başa düşdüyünü deyib. Onun sözlərinə görə, həmin şəxslər bu yolla problemlərdən qaçmağa, ürək ağrısını boğmağa çalışırlar. Dima vurğulayıb ki, insanı hərəkətlərinə görə tənqid etməzdən əvvəl onu anlamağa və özünü onun yerinə qoymağa çalışmaq lazımdır. Xatırladaq ki, sonuncu dəfə Qazaxıstanda toya sərxoş qatılan Dima Bilan spirtli içki asılılığınının olduğunu etiraf etmişdi.