Tuba biznesmen sevgilisi ilə barışdı
Müğənnini görənlər təəccübləndilər - foto
Müğənni-aktrisa evliliyindən 6 il keçir
Günel görünüşündə dəyişiklik etdi

Facebook instagram Twitter Youtube
GÜNDƏM

Ennio Morrikone 92 yaşında vəfat etdi

06-07-2020


Dünya şöhrətli italiyalı bəstəkar Ennio Morrikone 92 yaşında vəfat edib.

Mtv.az xəbər verir ki, o, İtaliyanın paytaxtı Romadakı klinikalardan birində dünyasını dəyişib. 

E.Morrikone 1928-ci ilin noyabrın 10-da Romada peşəkar caz trubaçalan Mario Morrikone və evdar xanim Libera Ridolfinin ailəsində anadan olub.

O, 9 yaşında Romada Müqəddəs Çeçiliya Konservatoriyasına daxil olub.

E.Morrikonenin 16 yaşı olduqda, o, əvvəl atasının ifa etdiyi, Alberto Flamininin ansamblında ikinci turba yerini alıb. Ennio ansamblnan birlikdə pul qazanmaq üçün Romanın gecə klublarında və otellərində ifa edib.

Bir il sonra E.Morrikone teatrda işləməyə başlayıb. Burada o, bir il musiqiçi kimi, daha sonra üç il bəstəkar kimi fəaliyyət göstərib. 1950-ci ildə o, radio üçün tanınmış bəstəkarların mahnılarını aranjiman etməyə başlayıb. Radio və konsertlər üçün musiqi düzəlişləri ilə Morrikone 1960-cı ilə qədər məşğul olub, ancaq 1960-cı ildə teleşoular üçün musiqi aranjiman etməyə başlayıb.

"İtaliya Respublikasına xidmətinə görə" ordeninin böyük zabitidir. Kinematoqrafiyada görkəmli nailiyyətlərinə görə 2007-ci ilin "Oskar" mükafatının laureatı olub. Film üçün ən yaxşı musiqi "David di Donatello" İtaliya milli kinopremiyasının səkkizqat laureatıdır. Sercio Leon tərəfindən çəkilmiş "Bir neçə dollar çox" (1965), "Yaxşı, pis və qəddar" (1966), "Bir dəfə vəhşi qərbdə" (1968), "Mənim adım heç kimdir" (1973) filmlərinə bəstələdiyi musiqilərə görə Ennio bütün dünyada məşhurlaşıb.

51 - nəfər baxıb

Qeydlər (0)

Qeyd yaz
sss

    Hal-hazırda heç bir qeyd yoxdur. Siz birinci ola bilərsiniz!

Xəbər lenti
4




















3