Aparıcı-model Krissi Teygen "Tvitter" səhifəsini bağlayıb. Mtv.az xəbər verir ki, bu barədə 34 yaşlı model 14 milyonluq səhifəsində yazıb: "Buradakı səhifəm həyatımda müsbətdən çox mənfi rol oynamağa başladı. Hazırda bunu dayandırmaq üçün ən yaxşı vaxtdır. Sosial şəbəkədə vaxt keçirdiyim müddətdə dərin travmalar aldım və onların qarşısını ala bilmədim. Tvitterdəki izləyicilərim 10 ildən çoxdur ki, mənim dünyama çevrilib. Birlikdə yaratdığımız hər şeyə görə sizə minnətdaram. Bir çoxunuzu əsl dost hesab edirəm, amma vidalaşmaq vaxtıdır". Krissi Teygen 34 milyonluq "İnstaqram" səhifəsini isə hələ ki, bağlamaq istəmədiyini bildirib. Xatırladaq ki, Krissi müğənni Con Lecend ilə ailəlidir. Cütlüyün 2 övladı var.