Gənc aktrisa Feyza Civelekin son halı görənləri şoka salıb.

Mtv.az xəbər verir ki, aktrisa yeni layihəsi "Sol Yanım" da çəkilə bilmək üçün 20 kilo çəki atıb. Nəticədə Feyzanın çəkisi 78 kilodan 58-ə düşüb. Artıq aktrisa 42 deyil, 32 bədən ölçülü geyimlər geyindiyini söyləyib.

Feyza arıqlamaq üçün hər gün 90 dəqiqə yürüyüşə çıxdığını və tərəvəz yediyini deyib. 25 yaşlı aktrisa atdığı artıq kilolarından sonra özünü tamamilə yenilədiyini bildirib:

"Uzun müddətdir serialdakı rolum üzərində çalışıram. Hazırda yeni tərzimlə tamaşaçılar qarşısına çıxacam. İllərdir heç bir layihə üçün xarici görünüşümü dəyişdirmədim. Lakin bu layihə mənim üçün fərqli idi".