Xalq artisti Emin Ağalarovun təşkilatçılığı ilə lentə alınan "Jara" filminin təqdimat günü bəlli olub.

Mtv.az xəbər verir ki, romantik komediya janrında olan ekran işi sentyabrın 5-də tamaşaçıların ixtiyarına veriləcək.

Ötən il Bakıda keçirilən "Jara" beynəlxalq musiqi festivalı çərçivəsində çəkilişləri gerçəkləşən filmdə Rusiya şou-biznesinin tanınmış simaları rol alıblar. Onların Bakı macəraları filmdə əks edilib.

Xatırladaq ki, iyulun 26-da Bakıda filmə qapalı baxış keçirilib.