Dünyanın ən varlı modelləri sırasında yer alan Jizel Bündhen boşanır. Mtv.az xəbər verir ki, modelin həyat yoldaşı amerikalı idmançı Tom Bredidən boşanma ərəfəsində olduğu iddia edilib. Buna səbəb futbolçunun illərdir idmandan uzaqlaşacağına və diqqətini ailəsinə ayıracağına söz versə də hər dəfə bunu təxirə salması olub. Bildirilib ki, Jizel Tomun həmişə məşqdə olmasından və uşaqları tək böyütmək məcburiyyətində qalmasından narazıdır. İdmançının növbəti dəfə karyerasına davam edəcəyini açıqlamasının ardından isə model Kosta Rikaya gedib. Hazırda Tom Floridada həm məşqlərə getməyə, həm də uşaqları böyütməyə çalışır. Xatırladaq ki, 2009-cu ildə ailə quran ikilinin 14 yaşlı Benjamin, 9 yaşlı Vivian, 15 yaşlı Cek adlı övladları var.