Türkiyəli musiqiçi Mələk Mosso səhnədəki hərəkəti ilə diqqət çəkib. Mtv.az xəbər verir ki, Mələk səhnədə saçlarını kəsib. Bununla da o, İranda sentyabrın 16-sı əxlaq polisi tərəfindən zorakılığa məruz qalan və dünyasını dəyişən 22 yaşlı Məhsa Əmini ilə başlayan aksiyalara dəstəyini ifa edib. Onun bu hərəkəti tamaşaçılar tərəfindən alqışla qarşılanıb. Xatırladaq ki, Məhsanın qətlinin ardından İranda etiraz aksiyaları başlayıb. Aksiyalar zamanı daha üç qadın - 23 yaşlı Hananeh Kia, 33 yaşlı Qəzəli Çələvi və 20 yaşlı Hədis Nəcəfi öldürülüb.